Қазақстан Республикасы Президентінің «Жұмысшы мамандықтары жылын жариялау туралы» Жарлығын іске асыру аясында және «Республикалық Медициналық Академиясы» ЖШС-нің жұмыс жоспарына сәйкес, биылғы жылдың 7 қарашасында Астана қаласындағы «Ер-стом» стоматологиялық клиникасында «Дублёр күні» өткізілді.
Болашақ тіс дәрігерлерінің кәсіби даярлығындағы маңызды бағыттардың бірі – терапиялық стоматологиялық көмектің ұйымдастырылуымен танысу болып табылады. Астана қаласындағы «Ер-стом» стоматологиялық клиникасының тіс дәрігері Нұрғалиева А.Т. студенттерге терапиялық стоматология бойынша мануалды дағдыларды меңгеруге және бекітуге мүмкіндік берді: шағымдарды анықтау, анамнез жинау, тексеру жүргізу, диагнозды негіздеу, емдеу әдісін таңдау және оны жүзеге асыру, құралдар мен аппараттарды қолдану дағдыларын жетілдіру, жақын және ұзақ мерзімді болжамды бағалау, емді жалғастыру бойынша ұсыныстар беру, медициналық құжаттаманы ресімдеу.
