2024–2025 оқу жылы барысында колледжіміз Астана қаласындағы жалпы білім беретін мектептердің оқушыларына белсенді түрде кәсіптік бағдар беру жұмыстарын жүргізді. Бұл жұмыстың басты мақсаты – мектеп бітірушілерін колледждегі білім беру бағыттарымен, қабылдау шарттарымен, оқу артықшылықтарымен және таңдаған мамандықтары бойынша кәсіби өсу мүмкіндіктерімен таныстыру болды.

Аталған жұмыстар аясында колледж қызметкерлері ата-аналар жиналыстарына, мамандықтар жәрмеңкелеріне және оқушылармен кездесулерге қатысты. Кәсіптік бағдар беру шаралары келесі мектептерде өткізілді: № 15, № 20, № 22, № 24, № 52, № 72, № 73, № 4, № 12 және № 86.

Бұл жұмыс, әсіресе, Қазақстан Республикасында 2024 жылдың Жұмысшы кәсіптер жылы деп жариялануына байланысты аса маңызды болды. Кәсіптік бағдар беру іс-шаралары мектеп бітірушілеріне сұранысқа ие мамандықтар, сол мамандықтарға қойылатын талаптар және болашақта жұмысқа орналасу мүмкіндіктері жөнінде толық әрі нақты ақпарат алуға көмектеседі. Сонымен қатар, олар болашақ мамандығын саналы түрде таңдауға септігін тигізеді.

Біз мектеп әкімшіліктеріне көрсеткен қолдаулары мен кездесулерді ұйымдастыруға көмектескендері үшін алғыс білдіреміз. Бірлескен жұмыс жас ұрпақтың кәсіби тұрғыдан дұрыс бағыт алуына ықпал етеді деп сенеміз.